Home » Kwara: Wani Alƙalin Alƙalai Ya Riga Mu Gidan Gaskiya

Kwara: Wani Alƙalin Alƙalai Ya Riga Mu Gidan Gaskiya

by Anas Dansalma
0 comment

Allah ya yi wa Tsohon alƙalin alƙalan kotun ɗaukaka ƙara ta shari’ar musulunci ta jihar Kwara rasuwa, mai shari’a Abdulmutallib Ahmad Ambali.

Marigayin ya rasu ne a safiyar yau Alhamis a asibitin koyarwa na jami’ar Ilorin (UITH), Oke-Oyi, bayan ƴar gajeruwar rashin lafiya.  Ya rasu yana da shekara 83 a duniya. 

Marigayin shine alƙalin alƙalai na biyu bayan mai shari’a Abdulkadir Orire, kuma rajistara na farko a kotun ɗaukaka ƙara ta shari’ar musulunci a jihar Kwara.

Marigayi Abdulmutallib Ahmad Ambali ya kwashe shekara 8 a kujerar alƙalin alƙalan daga shekarar 2001 zuwa 2008.

A wata tattauna ta manema labarai, alƙalin alƙalan musulunci na jihar Kwara, mai shari’a Abdullateef Kamaldeen wanda ya tabbatar da rasuwar, ya bayyana marigayin a matsayin mutum mai tsoron Allah, haziƙin alƙali wanda yayi riƙo da koyarwar addinin musulunci.

Ya bayyana marigayin a matsayin mutumin kirkiri, mai riƙo da addini, mai kyawawan halaye wanda baya raina kowa.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi