Home » Gwamnan Jihar Kano Ya Yi Wa Wasu Fursunoni 12 Afuwa

Gwamnan Jihar Kano Ya Yi Wa Wasu Fursunoni 12 Afuwa

GWAMNATIN KANO

by muhasa
0 comment

A jiya ne Gwamnan jihar Kano, Dr. Abdullahi Umar Ganduje, ya yi wa wasu fursunoni 12 da aka tabbatar wa hukuncin kisa afuwa.

Kuma wadanda bayanai ke nuna cewa tuni aka zartar wa da shida daga cikinsu hukuncin daurin rai da rai.

Wannan dai na kunshe ne cikin wata sanarwa da mai magana da yawun Hukumar Kula da Gidajen Yari reshen Jihar Kano, SC Musbahu Lawan Nassarawa ya fitar.

Sai cece-kuce ya biyo bayan wannan sanarwa inda wasu suke ƙalubalantar gwamnatin Kano a kan wannan hukunci.

jam`iyyar adawa ta NNPP, ita ma ta yi zargin cewa Gwamnan ya yi wa fursunonin afuwa ne don gwamnatinsa ta yi amfani da su wajen haddasa yamutsi a lokacin zaben gwamnan da za a yi a karshen mako nan, saboda a cewarsu, Jam’iyyar ta APC ba za ta kai labari ba.

Kamar yadda  magana da yawun ɗan takarar gwamnan na jam’iyyar NNPP, Malam Sanusi Bature Dawakin Tofa ya bayyana.

Sai dai gwamnatin Kanon ta bakin kwamishinan yada labaranta, Mallam Muhammad Garba ta musanta wannan zargin, tana cewa NNPP ce dai ta karaya ta fara neman dalili ko abin fada bayan ta sha kaye a zaben gwamna da ke tafe.

Ya kuma kara da cewa babu yadda za a yi mutane 12 kacal su je kananan hukumomi masu yawa da ake da su a Kano domin ta da zaune tsaye.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi