Home » Rundunar sojin Najeriya na dab da samun jiragen yaki 18

Rundunar sojin Najeriya na dab da samun jiragen yaki 18

by Anas Dansalma
0 comment
Rundunar sojin Najeriya na dab da samun jiragen yaki 18
Shugaban rundunar sojin sama ta Najeriya, Air Marshal Hassan Abubakar, ya ba da tabbacin cewa Najeriya na sa ran isowar jirage masu saukar ungulu har 18 domin inganta ayyukan rundunar.

Ya bayyana hakan ne a garin Fatakwal a yayin da ya kai ziyara reshen rundunar sojin sama ta musamman dake jihar.

Sannan ya yi ƙarin haske kan cewa ana sa ran isowar jiragen yaƙi ƙirar AH1 Zulu Cobra guda12, ne daga ƙasar Amurka, da kuma ƙarin wasu ƙirar T129 guda shida daga ƙasar Turkiyya a cikin watan Satumba.

Shugaban ya kuma tabbtar da cewa kai wa jirginsu hari da aka yi a jihar Neja ba zai sare wa rundunar guiwa ba. 

Inda ya ba da tabbacin cewa rundunar na ƙoƙarin samar da hanyoyin magance haɗarin jiragenta da ake samu a  ƙasar nan.

Cikin matakan da rundunar ke ƙoƙarin samarwa akwai yunƙurin kafa kwamitin bincike da game da dalilai da ke haifar da faɗuwar jiragen runduanr da kuma hanyoyin magance hakan a nan gaba.

Ya kuma tabbatar da cewa tuni ya ziyarci iyalan jami’an sojin rundunar da suka suka rasa rayukansu a haɗarin jirgin da ya faru a Jihar Neja da kuma jajanta musu.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi