Home » Rundunar ‘Yan Sandan Jihar Kano Ta Kame Mutane 93 Bisa Zargin Ta da Tarzoma

Rundunar ‘Yan Sandan Jihar Kano Ta Kame Mutane 93 Bisa Zargin Ta da Tarzoma

by Anas Dansalma
0 comment
Rundunar ‘Yan Sandan Jihar Kano Ta Kame Mutane 93 Bisa Zargin Ta da Tarzoma

‘Yan sandan jihar Kano sun bayyana kame mutane casa’in da uku cikin mako ɗaya da ake zargi da laifuka daban-daban.

Kwamishinan ‘yan sandan jihar Kano, Muhammed Usaini Gumel ne ya bayyana haka a jiya a yayin wata zantawa da manema labarai.

Kwamishinan ya ce waɗanda aka kama ana zargin an ɗau hayarsu ne domin ta da zaune tsaye a yayin bikin rantsar da gwamnan Kano da kuma mataimakinsa.

Ya kuma bayyana cewa an samu waɗannan mutane da muggan makamai da kuma ta’ammali da makamai masu illar gaske da kuma yunƙurin amfani da makaman wajen gudanar da sace-sace da kuma kawo cikas ga rantsar da sabon gwamna da aka yi.

Kwamishinan ‘yan sandan ya tabbatar da cewa za a miƙa su ga kotu domin girbar abin da suka shuka da kuma zama izina ga ‘yan baya.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi