Home » Sen. Barau Jibrin Ya Shiga Sahun Masu Zawarcin Shugabancin Majalisar Dattawa

Sen. Barau Jibrin Ya Shiga Sahun Masu Zawarcin Shugabancin Majalisar Dattawa

by Anas Dansalma
0 comment

Sanata Barau Jibrin ya bayyana aniyarsa ta tsayawa takarar shugaban majalisar dattawa a majalisa ta 10.

Sanarwar tasa na zuwa ne jum kaɗan bayan da babban mai tsawatarwar majalisar dattawa, Sanata Orji Uzor Kalu, ya ce lokaci ya yi da zai zama shugaban majalisar dattawa.

Da yake zantawa da manema labarai a zauren majalisar, Sanata Barau ya ce cancanta da iya aiki da gogewa su ya kamata su zama abubuwan da za su iya tantance wanda ya kamata ya zama shugaban majalisar dattawa a majalisa ta 10.

Sai dai ya ce bai kamata a yi amfani da Addini wajen samar da shugaban majalisar ba.

A cewarsa, bai kamata ra’ayin addini ya zama sanadin tantance wanda zai jagoranci majalisar ta 10 ba.

Gwagwarmayar neman mukaman manyan jagororin majalisar ta 10 na kara zafafa ganin yadda wasu zababbun ‘yan majalisar tarayya da aka zaba a majalisar dattawa suka nuna sha’awarsu ta tsayawa takara, kuma rahotanni sun bayyana cewa suna zawarcin abokan aikinsu domin neman goyon baya.

Sauran zababbun Sanatoci da suka nuna sha’awarsu na zama Shugaban Majalisar Dattawa sun hada da Godswill Akpabio da David Umahi.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi