Home » Abuja: An Fara Rufe Hanyoyi Domin Tabbatar da Tsaro a Ranar Rantsar da Sabon Shugaban Ƙasa

Abuja: An Fara Rufe Hanyoyi Domin Tabbatar da Tsaro a Ranar Rantsar da Sabon Shugaban Ƙasa

by Anas Dansalma
0 comment
Abuja: An Fara Rufe Hanyoyi Domin Tabbatar da Tsaro a Ranar Rantsar da Sabon Shugaban Ƙasa

Hukumomi a Abuja, babban birnin tarayyar Najeriya, sun ba da izinin rufe wasu hanyoyi da suka dangana da gine-ginen Sakatariyar Gwamnatin Tarayya da Ma’aikatar Harkokin Wajen kasar saboda faretin rantsar da sabuwar gwamnati da za a yi.

Za a rufe hanyoyin ne daga ranar Juma’a 26 ga watan Mayu da misalin karfe 2 na rana har sai ranar 29 ga watan Mayu kamar yadda rahotanni suka nuna.

A ranar 29 ga watan Mayu za a rantsar da zababben Shugaban kasa Bola Ahmed Tinubu da zababben mataimakin shugaban kasa Kashim Shettima.

Rahotanni sun ruwaito Sakatariyar walwala a ofishin ma’aikatan gwamnatin tarayyar Dr. Ngozi Onwudiwe a matsayin wacce ta sanar da shirin daukan matakin rufe wasu hanyoyin a birnin.

A cewar Mrs. Onwudiwe, umurnin rufe hanyoyin na da nasaba da matakan tsaro da kwamitin karbar mika mulki da shugaban kasa ya kafa ya dauka, don a tabbatar bikin ya gudana ba tare da wata tangarda ba.

Wasu kafafen yada labaran Najeriya sun ruwaito cewa ba za a bude hanyoyin ba sai ranar 30 ga watan Mayu, kwana guda bayan an kammala bikin rantsar da sabuwar gwamatin Tinubu.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi