Home » Gwamnan Zamfara ya yi naɗe-naɗen farko na hidimansa

Gwamnan Zamfara ya yi naɗe-naɗen farko na hidimansa

by Anas Dansalma
0 comment
Gwamnan Zamfara ya yi naɗe-naɗen farko na hidimansa

Gwamnan Jihar Zamfara, Dauda Lawal Dare, ya yi naɗe-naɗen farko na waɗanda za su taimaka masa wajen tafiyar da gwamnati.

Sakataren Gwamnatin Jihar, Alhaji Abubakar Nakwada ne ya sanar da haka a wata sanarwa da Babban Mataimaki na Musamman kan Hakokin Kafafan sadarwa na zamani ga Gwamnan, Sulaiman Bala Idris, ya sanya wa hannu kuma ya raba wa manema labarai a Gusau babban burnin jihar.

 Sulaiman ya ce, gwamnan ya naɗa Alhaji Abubakar Nakwada a matsayin sakataren gwamnatin jihar. Haka kuma ya naɗa Mukhtar Lugga a matsayin Shugaban Ma’aikata.

Gwamnan Jihar, ya kuma amince da naɗin Sharifudden F. Jatto a matsayin Babban Sakataren Gwamna; sai Imran Rufa’i Ahmad, a matsayin Mataimaki na Musamman ga Gwamna.

Yayinda Ali Akilu Bungudu ya zama babban mataimaki na musamman kan harkokin tattalin arziki.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi