Home » Gwamnatin Najeriya ta dakatar da yanke wa jihohi kuɗaɗe kai tsaye daga asusun jihohi

Gwamnatin Najeriya ta dakatar da yanke wa jihohi kuɗaɗe kai tsaye daga asusun jihohi

by Anas Dansalma
0 comment
Gwamnatin Najeriya ta dakatar da yanke wa jihohi kuɗaɗe kai tsaye daga asusun jihohi

Gwamnatin tarayyar ta amince ta dakatar da yankar kudade daga asusun jihohi a kan bashin London da Paris Club.

Shugaban kungiyar gwamnonin Najeriya (NGF) kuma gwamnan jihar Sokoto Aminu Tambuwal ne ya bayyana haka a lokacin da yake yi wa takwarorinsa bayani a ganawar da suka yi jiya Talata a Abuja.

Haka kuma ya ce ministar kudi ta yi alkawarin tabbatar da ganin an mayarwa da jihohin kudin da aka yanke a baya.

A baya-bayan nan batun yankar kudin na Paris Club ya kasance babban abin takaddama tsakanin gwamnatin tarayyar  da gwamnatin jihohi.

Takardar bayan taron ta kuma nuna cewa an samu sabon shugabanci a kungiyar inda mambobin suka amince ta hanyar sasantawa.

 Gwamnan jihar Kwara, Abdulrahman Abdulrazaq ne ya zama sabon shugaba, yayin da Gwamna Seyi Makinde na jihar Oyo ya zama mataimaki.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi