165
Hukumar Raya Al’adu Ta Najeriya (National Troupe of Nigeria) a karkashin jagorancin Kaltume Bulama Gana, FSNA, na shirin wani gagarumin taro domin kaddamar da kirkirarriyar fasahar zamani da zimmar karfafawa yara da matasa guiwa wurin kallo da sauraron wakoki, kade-kade da raye-rayen gargajiya.
Taron na National Troupe of Nigeria zai gudana ne a lambun hutun Queen Amina da ke Iganmu Jihar Legas ranar Asabar 21 ga Disamba 2024.
Sabon shirin zai kawo cigaba da ba a taba ganin irinsa ba, wanda zai baiwa mutane daga kowane lungu da sako na duniya damar ganin kyawawan al’adun Najeriya.
National Troupe of Nigeria na ganin cewa wannan yunkuri zai bai wa matasa damar sanin kyawawan al’adunsu na asali a matsayinsu na cikakkun ‘yan Najeriya.
