Tsohon mataimakin shugaban jam’iyyar APC na ƙasa, Hon Nafiu Bala Gombe ya ce ya yi maraba da hukuncin babbar kotun tarayya da ya soke shugabancin David Mark na jam’iyyar.
A ranar Alhamis ne babbar kotun tarayyar ta yanke hukuncin soke duk matakan da ɓangaren na David Mark ya ɗauka a madadin jam’iyyar.
Matakan sun haɗa da tsayar da tsohon mataimakin shugaban ƙasa, Alhaji Atiku Abubakar, a matsayin ɗan takarar shugaban ƙasa na jam’iyyar a babban zaɓen shekarar 2027.
Nafi’u Gombe, wanda ya shigar da ƙarar ya ce ya yi maraba da hukuncin kotun.
”Dama na jima ina magana a kan gaskiya, gaskiya, to ga shi yau gaskiyar ta yi halinta”, in ji shi.
Dama dai Nafi’u Gombe ya tsayar da ƴantakara a ɓangarensa.
”To yanzu za mu mayar da hankali wajen ci gaba da tallata ƴantakararmu domin tunkarar zaɓen 2027 da ke tafe”, in ji shi.
