Home » Girka Abinci: Wata ‘Yar Nijeriya Na Shrin Kafa Tarihi a Duniya

Girka Abinci: Wata ‘Yar Nijeriya Na Shrin Kafa Tarihi a Duniya

by Anas Dansalma
0 comment
Wata 'Yar Nijeriya Ta Kafa Tarihi a Duniya Na Girki Na Tsawon Kwanaki 4 Ba Hutu

Wata matashiya a jihar Legas ta kafa tarihi na zama wadda ta fi daukar lokaci mai tsawo tana girki a duniya ba tare da tsayawa ba.

Ya zuwa safiyar wannan rana ta Litinin da misalin karfe 08:32 na safe, Hilda Bassey, wacce aka fi sani da Hilda Baci, ta shafe awanni 88 da minti 32 tana girki.


Hilda, mai sana’ar girki a Jihar Legas da ke kudancin ƙasar nan, ta doke takwararta ‘yar India Lata Tondon wadda ta shafe sa’o’i 87 da mintuna 45 tana girki a babu tsayawa a shekarar 2019.


A wata hira da ta yi da ‘yan jarida, Hilda ta bayyana cewa tun tuni ta saka a ranta cewa za ta yi wannan girkin bayan da ta ga Lata ta yi makamancinsa.

Baci, mai shekara 27, ta soma wannan girki ne a ranar 11 ga watan Mayu wanda batun girkin nata ya mamaye shafukan sada zumunta musamman a Nijeriya da kuma Afirka inda aka yi ta karfafa mata gwiwa.
Cikin waɗanda suka ƙarfafa mata guiwa har da gwamnan Legas Baba Jide Sanwo-Olu wannda ya yi takakki har wurin da take girkin, inda ya ba ta kwarin gwuiwa da kuma murnar cewa ana gudanar da wannan babban abu a cikin jiharsa.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi