Alhazai fiye da dubu hudu aka kwantar a asibiti sakamakon tsananin zafin rana a yayin aikin hajjin bana, cewar mai wani Magana da yawun ma’aikatar lafiya ta kasar a jiya laraba.
Dr. Muhammed Al-Abd Al-Aali ya kuma kara da cewa, yawan alhazan da suka fuskanci matsalar tsananin zafin ranar ya wuce dubu shida da dari bakwai.
Dr. Muhammad ya ce Sun shaidawa alhazai cewa kar su dauki kaya zuwa wurin jifa, da zuwa masallacin Ka’aba, sannan su kula da tafiya cikin natsuwa da kauce ma shiga turmutsitsi.
A ranar Arfa alhazai sun rika amfani da laima, yayin da zafin rana ya kai maki 45 a ma’aunin yanayi
Hukumomin Saudiyya dai sun samar da dubban ma’aikatan lafiya domin kula da alhazai a bana, yayin da masu aikin sa kai ke raba ruwan sha.
