Home » Kano: Hukuncin karya dokar gwajin lafiya kafin aure

Kano: Hukuncin karya dokar gwajin lafiya kafin aure

by Anas Dansalma
0 comment
ABBA KABIR YUSUF

Gwamnatin Kano ta jaddada aniyarta na tabbatar da an bi dokar yin gwajin lafiya kafin aure wadda gwamnan ya sanya hannu a kanta.

A cikin ƙunshin dokar dai, an bayyana cewa za a ɗaura aure ne kawai idan an gabatar da shaidar gwajin lafiya sahihi da kuma ya ƙunshin gwajin da ke bayyana rukunin halittar mutum da a Turance ake kira genotype da gwajin cutar hanta nauyin B da C da cuta mai karya garkuwar jiki, HIV, da makamantansu.

Dokar ha’ila yau, ta tanadi hukuncin zaman gidan kaso na shekaru biyar ko tarar Naira dubu ɗari biyar ko duka biyun ga duk wanda ya karya dokar.

Gwamnan Kano, Abba Kabir Yusuf, ya ce wannan doka za ta tabbatar da haihuwar yara masu ingantaccen lafiya ta hanyar kuɓutar da su daga cututtuka da ake iya gadonsu.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi