Home » Kwamishinan labarai da al’adu na jihar Kano ya yi alkawarin samar da walwala ga mai’akatansa

Kwamishinan labarai da al’adu na jihar Kano ya yi alkawarin samar da walwala ga mai’akatansa

by Anas Dansalma
0 comment
Kwamishinan labarai da al'adu na jihar Kano ya yi alkawarin samar da walwala ga mai'akatansa

Kwamishinan labarai da al’adu na jihar Kano, Baba Halilu Dantiye, ya buƙaci jami’an yaɗa labarai da ke ƙananan hukumomi arba’in da huɗu da kan su ƙara mayar da hankalin wajen sauke nauyin da rataya a wuyansu.

Kwamishinan ya yi wannan kira ne a yayin wani taro da jami’an da ke dakin taro na ma’aikatar.

Ya kuma buƙaci su yi amfani da dabaru na musamman wajen yaɗa labaran ayyukan da gwamnatin jihar Kano ta fara yi a ƙananan hukumomin da ke jihar nan.

Sannan ya ja hankalinsu kan cewa ayyukansu ba sun tsaya ne kawai ga ba da labarin ayyukan da ciyamomin ƙananan hukumominsu ke yi ba.

A cewarsa jami’an ya kamata su riƙa ba da rahoto game da ƙalubalen da su hukumomin nasu ke fuskanta da ke buƙatar gwamnati ta ɗau mataki na gaggawa.

A ƙarshe, kwamishinan ya tabbatar wa da jami’ansa cewa za a kula da walwalarsu.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi