Manyan mutane sun hallara a Abuja, a ranar Juma’a, domin tunawa da cika shekaru 50 da kisan tsohon Shugaban ƙasa, Janar Murtala Muhammed.
An kashe marigayi Janar ne tare da wasu muƙarrabansa, a wani yunƙurin juyin mulki da bai yi nasara ba a Legas, ranar 13 ga Fabrairu, 1976.
Jami’an rundunar sojin Najeriya sun yi bikin karrama shi tare da wasu manyan baƙi.
Daga cikin waɗanda suka halarci taron akwai Farfesa Ibrahim Gambari, fitaccen jami’in diflomasiyya kuma tsohon shugaban ma’aikatan fadar shugaban ƙasa lokacin mulkin marigayi Muhammadu Buhari.
