An Kashe Kasurgumin Dan Bindiga Isuhu Yellow A Zamfara

Rahotanni daga jihar Zamfara na cewa an kashe fitaccen ɗanbindigar nan da ya yi fice wajen garkuwa da jama’a don neman kuɗin fansa, wato Kachalla Isuhu Yellow.

Lamarin ya auku ne da yammacin yau Alhamis, bayan daɗewa da ya yi yana wasan-ɓuya da jami’an tsaro da kuma wasu daga cikin takwarorinsa shugabannin ƙungiyoyin ƴan bindiga a arewacin ƙasar.

Ɗanjarida mai bincike kan harkokin ƴanbindiga, Munir Fura-Girke ne ya tabbatar da kashe ɗanbindigar.

Isuhu ya fi yin fice ne wajen harkokinsa a yankunan Tsafe da Ɗansadau da ke jihar Zamfara.

• Majalissar Dattawa Ta Kaure Da Hayaniya Kan Neman Girmama Shugaban INEC Na 1993 Humphrey Nwosu
• Yan Sandan Kano Sun Kwato Tare Da Mayar Da Kudin Fansa Ga Mutumin Da Aka Yi Garkuwa Dashi