Home » Ana Shirin Kirkiro Jiha Guda Daga Kudancin Najeriya

Ana Shirin Kirkiro Jiha Guda Daga Kudancin Najeriya

by Muhammad Auwal Sulaiman
0 comment
Dagin jihohin Najeriya

‘Dan majalisa Amobi Godwin Ogah mai wakiltar Isuikwuato/Umunneochi a jihar Abia tare da wasu ‘yan majalisa huɗu sun gabatar da ƙudurin ƙirƙiro ƙarin jiha guda a jihar Ekiti da ke yankin kudu maso gabashin Najeriya.

Kudurin da ‘yan majalisar suka gabatar ya tsallake karatu na farko a majalisar ranar Talata.

Ƙudurin na buƙatar a yi gyara a sashe na uku na kundin tsarin mulkin Najeriya, inda ya bukaci a goge lamba 36 a matsayin adadin jihohin Najeriya a maye gurbinta da lamba 37 don bai wa sabuwar jihar damar shiga jerin jihohin ƙasar. 

‘Yan majalisar sun bukaci a yanko sabuwar jihar daga jihohin yankin biyar. 

An ce sabuwar Jihar za ta ƙunshi ƙananan hukumomi 11, inda Lokpanta da a yanzu ke cikin jihar Abia, zai kasance babban birnin sabuwar jihar.

Ana sa ran kananan hukumomin da za su koma sabuwar jihar sun haɗa da Isuikwuato da Umu-Nneochi daga jihar Abia, da Orumba ta Arewa da Orumba ta kudu daga jihar Anambra, sai Ivo da Ohaozara jihar Ebonyi, da Aninri da Agwu da Oji River a jihar Enugu, da kuma Okigwe da Onuimo da ke jihar Imo.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi