Gwamnan Kano ya kai wa babban sakataren TETFUND ziyarar aiki

Gwamnan jihar Kano Abba Kabir Yusuf ya kai ziyarar aiki ga babban sakataren Asusun Tallafa wa Manyan Makarantu na Ƙasa, TETFUND, Arc. Sonny Econo da sauran ma’aikatansa a Babban Birnin Tarayya, Abuja.

Gwamnan ya bayyana cewa ziyarar ta sami tagomashi sosai duba da cewa an tattauna batutuwa da dama waɗanda za su sa a sami haɗin guiwa a tsakanin TETFUND ɗin da kuma Gwamnatin Kano domin tallafa wa ci gaban manyan makarantun jihar Kanon.

Gwamnan ya bayyana hakan ne a shafinsa na Tuwita.