Home » Gwamnatin Zamfara za ta dau mummunan mataki kan masu satar ma’adanai

Gwamnatin Zamfara za ta dau mummunan mataki kan masu satar ma’adanai

by Anas Dansalma
0 comment
Gwamnatin Zamfara za ta dau mummunan mataki kan masu satar ma'adanai

Gwamnan jihar Zamfara, Sauda Lawal Dare, ya umarci jami’an tsaro da su ɗauki tsattsauran mataki kan masu haƙar ma’adanai ba bisa ƙa’ida ba.

Wannan umarni ya fito ne ta bakin mai magana da yawun gwamnan, Sulaiman Bala Idris wanda ya ce yaƙar ma’adanai ba bisa ƙa’ida ba na daga cikin dalilan da suke cigaba da haɓaka ayyukan ‘yan bindiga da ma sauran ayyukan ta’addanci a jihar.

A cewarsa, lokaci ya yi da za a kawo ƙarshen ayyukan ta’addanci a jihar domin samar da zaman lafiya ga al’ummar jihar.

Wannan ta sa gwamnan ya umarci jami’an tsaro da su harbe nan take duk wani wanda aka samu yana haƙar ma’adanai ba bisa ƙa’ida ba.  

Ya ce wannan mataki ya zama wajibi domin gwamnatin jihar ta gaggauta samar da cikakken ikonta a kan ma’adanan da ke jihar da kuma kiyaye lafiya da dukiyoyin al’ummar jihar.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi