Saudiyya ta sanar da wani gagarumin zuba jari a fannin samar da ababen more rayuwa a Syria, a yayin da ta ke jaddada goyon bayanta ga gwamnatin Damascus.
Ƙasar Saudiyyar ta sanya kuɗin da ya kai dala biliyan biyu wajen gina sabbin filayen tashi da saukar jirage biyu a birnin Aleppo, da kuma dala biliyan ɗaya domin inganta harkokin sadarwa na zamani a Syria.
Akwai kuma wasu kuɗaɗen da za a sanya a fannin makamashi, da gina gidaje, da kuma samar da sabon kamfanin jirgin sama.
Gwamnatin Saudiya ta goya wa shugaban Syria Ahmed Al-Sharaa baya, tun bayan da ya maye gurbin hamɓararren shugaba Bashar Al Assad a ƙarshen shekarar 2024.