Shugaban ƙasa Bola Ahmed Tinubu da mataimakinsa Kashim Ibrahim Shettima za su kashe Naira Miliyan dubu tara da ɗari uku da sittin (9,360) a kayan maƙulashe da tafiye-tafiyen cikin gida da waje a baɗi.
Wannan na ƙunshe ne cikin kundin kudirin kasafin kudi na shekarar 2025 da ya miƙa wa majalisa a ranar Laraba.
Idan ba a manta ba a ranar Larabar da ta gabata ne shugaban kasa Bola Ahmed Tinubu ya gabatar da kudirin kasafin kudin shekarar 2025 na Naira tiriliyan 49.7 ga majalisar dokoki da ta Dattawan Najeriya.
A yadda aka tsara kasafin kuɗin baɗj, shugaba Tinubu zai kashe Naira miliyan dubu bakwai da ɗari huɗu da arba’in (7,440) wurin tafiye-tafiye da kayan maƙulashe; yayin da mataimakinsa Kashim Ibrahim Shettima zai kashe Naira miliyan dubu ɗaya da ɗari tara (1,900).
- Ɗangote Ya Rage Farashin Man Fetur Saboda Bukukuwan Ƙarshen Shekara
- Shugaba Tinubu Ya Jinjina Wa Haƙuri Da Juriyar ‘Yan Najeriya
Shugaban kasa zai kashe Naira biliyan 6.14 a tafiye-tafiyen ƙasashen waje; yayinda tafiye-tafiyensa na gida za su laƙume Naira miliyan 873.9.
Haka zalika an ware Naira miliyan 431.6 don ciye-ciyen maƙulashen shugaba Tinubu a 2025 idan Allah ya kai mu.