Dubun wasu masu ƙera muggan makamai ta cika a yankin Lantang da ke Jihar Filato mai yawan fama da rikice-rikice da hare-hare.
Sojojin Rundunar Operation Enduring Peace sun kama manyan bindigogi uku, ƙirar AK-47 guda biyu da kuma ƙirar G3 guda ɗaya a hannun masu ƙera makamai ba bisa ka’ida ba.
Mutanen sun shiga hannun sojoji ne a lokacin da dakarun rundunar suka kai samame a masana’antar makaman da ke yankin Gwandanu, da ke ƙaramar hukumar Langtang.
Kakakin rundunar, Kyaftin Polycarp Oteh, ya ce sojojin sun kama mutanen tare da kayan aikinsu ne, a yayin da suke tsaka da aikin ƙera muggan makaman.