Gwamnan Abia ya ziyarci Tinubu a Villa

Gwamnan jihar Abia, Alex Otti ya ziyarci Shugaba Tinubu a fadar gwamnatin ƙasar da ke Abuja.

Duk da cewa babu cikakken bayani game da ziyarar, wasu a ƙasar na ganin ba ta rasa nasaba da batun shugaban ƙungiyar ƴan awaren Biafra, Nnamdi Kanu da aka yanke wa hukuncin ɗaurin rai-da rai cikin watan da ya gabata.

A baya-bayan nan ne jaridun ƙasar suka ruwaito cewa gwamnan Abia ya kai ziyara da jagoran Biafran a gidan yarin Sokoto da yake ɗaure.

• Tinubu ya ganawa da manyan hafsoshin tsaron ƙasar
• Majalisar Dattawa ta yi sauye-sauye a wasu muhimman kwamitocinta

A lokacin ziyarar zuwa Villa, gwamnan Abin na tare da ƙanin Nnamdi Kanun, Emmanuel Kanu da kwamishinan shari’ar jihar, Ikechukwu Uwanna (SAN) da wasu jami’an gwamnatin jihar, kamar yada gidan Talbijin na Channels ya ruwaito.