Home » Kasar Kamaru Ta Sanar da Hana Fitar da Koko Zuwa Najeriya

Kasar Kamaru Ta Sanar da Hana Fitar da Koko Zuwa Najeriya

by Anas Dansalma
0 comment
Kasar Kamaru Ya Sanar da Hana Fitar da Koko Zuwa Najeriya

Kasar Kamaru ta hana fitar da koko zuwa Najeriya, sakamakon kara da manoman koko a Kamaru su ka kai musamman a yakin kudu maso yammacin kasar.

Ministan Kasuwanci, Luc Magloire Mbarga Atangana, ya dauki matakin hana fitar da kokon zuwa Najeriya bayan wani taron rikicin da aka shirya a ranar 13 ga Yuni, 2023 a Yaoundé.

Tsawon shekaru da dama, masu gudanar da aikin noman koko a kasar suna zargin ‘yan Najeriya da fitar da kokon ta hanyar da ba ta dace ba musamman a yankin Kudu maso Yammacin kasar wanda ke iyaka da Najeriya.

Daga majiyoyin cikin gida a ma’aikatar kasuwanci, matakin da Ministan ya dauka ya biyo bayan ta’asar da ake tafkawa na fitar da danyen waken koko daga kasar zuwa Najeriya cikin ‘yan shekarun nan ta hanyar da bata dace ba.

Wannan lamari yana da matukar illa ga tattalin arzikin kasar Kamaru a cewar masana harkar kasuwanci da dama.

You may also like

Leave a Comment

Muhasa TVR kafa ce ta labarai dake da cikakkiyar rejista da ke da manufa ta ilimantarwa, wayar da kai Inganta al’adun Hausawa da kuma nishaɗantarwa.

Ofishinmu yana nan a kan titin Guda Abdullahi dake Farm Centre a jihar Kano. 

Ra'ayi

Labarai da Dumi-dumi