Daga Safiyanu Haruna Kutama
Kwamishinan kula da harkokin tsaro da al’amuran cikin gida na Jihar Kano, Manjo Janaral Muhammad Inuwa Idiris (mai ritaya), ya ajiye aikinsa.
Wata sanarwar da mai magana da yawun gwamnan Jihar Kano, Alhaji Sunusi Bature Dawakin Tofa, ya fitar ta bayyana cewa Gwamna Abba Kabir Yusuf ya kadu da matakin da kwamishinan ya dauka.
- Dan Jaridar Al Jazeera Ya Rasa Ransa A Harin Isra’ila A Gaza
- Gwamnatin Tarayya Zata Biya Bashin Alawus Din Masu Yiwa Kasa Hidima NYSC
Gwamnan ya kuma mika sakon godiya ga Manjo Janaral Inuwa Idiris bisa gudunmowar da ya bayar wajen tsare lafiyar al’umma da tabbatar da zaman lafiya a jihar.
Rahotanni sun tabbatar da cewa gwamnan ya karbi takardar ajiye aikin kwamishinan nan take, duk da cewa bai bayyana dalilan yin hakan ba.