Malamin addini kuma babban ɗan Adawa ga shugaba Racep Tayyib Erdagon a ƙasar Turkiyya Fethullah Gulan ya rasu yana da shekaru 83 bayan rashin lafiya a kasar Amurka.
An an zargi Sheikh Gulan a baya da kitsa juyin mulkin da baiyi nasara ba ga Racep Tayyib Erdagon a shekarar 2016.
Marigayin Malamin ne dai ya samar da ƙungiyar International Islamic Movement kuma na hannun daman shugaba Erdagon kafin a zarge shi da kitsa juyin mulki ga Shugaban.
Sheikh Gulen ya rasu ne a ranar Lahadi a wani asibiti dake ƙasar Amurka, kuma ya yi zaman neman mafaka na sa kai a ƙasar tun shekarar 1999.
- Gwamnonin Arewa Sun Tallafawa Jihar Jigawa Da Naira Miliyan 950
- Adadin Mutanen Da Suka Rasu A Majia Sun Ƙaru Zuwa 180.
Duk da ba’a bayyana musabbabin mutuwar ta sa ba, rahotanni daga makusantansa sun bayyana cewa an kwantar dashi ne asibitin saboda matsalar ciwon ƙoda.
A lokacin da yake jagorantar ƙungiyar siyasa a musulunci a ƙasar, Shugaba Erdagon ya yi amfani da wasu mabiyan sa kuma sun sami muƙamai a gwamnatin sa.
Sai dai a shekarar 2016 ne manyan abokan suka juye zuwa abokan hamayya, inda gwamantin Turkiyya ta ayyana ƙungiyar Sheikh Gulen a matsayin ƙungiyar ta’addanci.