Malaman turanci 337 sun fara samun horon hadin gwiwa a jihar Jigawa

Gwmnan Jihar Jigawa, Umar Namadi Dan Modi

Gwamnatin Jihar Jigawa tare da haɗin gwiwar Partnership for Learning for All in Nigeria (PLANE) sun ƙaddamar da shirin horas da malamai 337 kan koyar da harshen Ingilishi a makarantun firamare, Shirin ya shafi makarantu 132 da aka zaɓa, inda ake sa ran ɗalibai sama da 30,000 daga ajin firamare ɗaya zuwa uku za su amfana.
‎
‎Za a horas da malamai a ƙananan hukumomin Dutse, Gagarawa, Jahun, Kafin Hausa, Malam Madori, Taura da Yankwashi.
‎
‎Shugaban Hukumar Ilimin Firamare ta Jihar Jigawa, Farfesa Haruna Musa, ya bayyana shirin a matsayin mataki mai muhimmanci wajen inganta ƙwarewar malamai, ya ce fara koyar da Ingilishi tun daga ƙananan ajujuwa zai taimaka wajen shirya ɗalibai su iya shiga gasa a matakin ƙasa da na duniya.
‎
‎A nasa ɓangaren, Mataimakin Shugaban Shirin PLANE na Ƙasa, Samuel Achimugu, ya ce shirin na samun tallafin Gwamnatin Birtaniya kuma ana gwada shi ne a halin yanzu, idan sakamakon ya yi kyau, za a faɗaɗa shirin a duk faɗin Jihar Jigawa tare da haɗin gwiwar Ma’aikatar Ilimi da SUBEB.

Post masu alaƙa

2027: Tinubu da Atiku da Obi za su fafata a muhawarar ƴan takarar shugaban ƙasa

2027: NDC ta zargi APC da gwamnatin Kano da shirin yin magudi ta tsarin tattara sakamakon zabe na INEC

Yan sanda sun buƙaci haɗin kan al’umma wajen yaƙi da shaye-shayen miyagun kwayoyi a Kano