Yadda Ake Yin Miyar Kuɓewa

Daga Fatima Abdullahi Shadai

Miyar kuɓewa ɗaya ce daga cikin miya da aka san Hausawa da ita, duk da cewa akwai ƙabilu da dama da kan yi miyar ta salo iri-iri.

Yau za mu kawo muku yadda za ku yi miyar kuɓewa, ku suɗe hannu. Ba a bai wa yaro mai ƙuiya

Yau za mu kawo muku yadda za ku yi miyar kuɓewa, a ci a lashe, a tanɗe, a suɗe yatsu.

ABUBUWANDA AKE BUƘATA

1. KUƁEWA
2. DADDAWA
3. ATTARUGU DA ALBASA
4. MANJA
5. DANDANO, GISHIRI, DA KAYAN ƘAMSHI
6.CRAYFISH, NAMA, KO KIFI. (Idan kina buƙata)
7. WAKE, SHIMA IDAN KINA SO

Da farko zaki fara ɗora tukunya a wuta, sai ki zuba manja in ya yi zafi ki zuba albasa, ki soyashi har ya fara ƙamshi, sai ki kwashe albasar.

Ki zuba daddawa ki soya, sai ki zuba jajjagen kayan miyarki, bayan kin gama soyasu, sai ki tsayar da sanwar ki yadda kike so.
Daganan sai ki ɗebo sinadaran miyarki ki zuba.

• Ruwan Sama Ya Haddasa Ambaliya A Makka 
• Bam Ya Hallaka Daliban Islamiyya 2 A Abuja 

Idan kina da ra’ayi zaki zuba nama ko crayfish, ko kifi.
Sai ki rufe miyar ta dahu, bayan ta dahu, daman can kin goga kuɓewarki, ko kin kirɓata, sai ki ɗauko ki zuba a ruwan miyar, ki burga ta kisa mata kanwa, bayan kin gama sai ki rufe ki barta ta dahu, daga nan sai ki sauke.

*Shi ke nan kin gama miyar kuɓewarki cikin sauƙi*