1.1K

Ayaba na daga cikin kayan marmari da mutane suke yawan amfani da ita sosai a duniya.

Masana kiwon lafiya sun ce cin ayaba yana rage hawan jini da kuma bayar da kariya ga cututtukan daji da na asma.

Akwai kimanin kasashe 107 da su ke noman ayaba kuma hakan ya sanya su cikin jerin kasashe da suke samun ribar kudi na amfanin gona.

Kafin mu nutse cikin takamaiman fa’idodin ayaba, bari mu yi saurin duba ƙimar sinadiran su.

Ayaba tana da wadataccen fiber na abinci, bitamin C, bitamin B6, da potassium.

Waɗannan abubbuwan sun ƙunshi magnesium, manganese, da ƙananan adadin furotin.

Bugu da ƙari, ayaba ba ta da kitse kuma ba ta da cholesterol.

Fa’idojin

1. Ayaba na maganin hawan jini Sanadiyar sunadarin potassium da ke cikin ta. Hakan ya sanya ta ke matukar tallafawa wajen rage hawan jini ga wadanda su ka manyanta.
2. Asma A wani bincike da aka gudanar a kwalejin ilimi ta kasar Landan, an gano cewa yara da suke cin ayaba kwara guda a rana, tana hana su kamuwa da cutar asma.
3. Cutar daji (Kansa) Amfani da ayaba a shekaru biyun farko na rayuwar mutum yana hana kamuwa da cutar daji ta cikin jini.
4. Akwai sunadarin vitamin C da yake yakar duk wasu kwayoyin cutar daji a jikin mutum.
5. Ciwon Zuciya da koda Ayaba tana kunshe da sunadaran fiber, potassium, vitamin C da B6 wadanda suke bayar da kariya ga lafiyar zuciya. Binciken asibitin St Thomas dake garin Tennessee a kasar Amurka, ya bayyana cewa, wadannan sundaran su na taimakawa wajen yakar cututtukan zuciya da na koda a jikin a dan Adam.

5. Ciwon sikari Bincike ya nuna cewa cin ayaba yana rage yaduwar ciwon sikari a cikin jini sanadiyar sunadarin fiber da yake kunshe a cikin ayaba.
6. Ciwon ciki Ba shakka ayaba tana magance cutar gudawa da take addabar mutane, domin duk wani mai gudawa idan ya ci ayaba to kuwa yana samun waraka ta hanyar sunadarin potassium da yake daure cikin mutum.
7. Kaifin basira Wani sabon bincike ya bayyana cewa, akwai sunadarin amino acid mai suna tryptophan da yake bunkasa kaifin basira na kwakwalwar dan Adam.