Amurka za ta riƙa karɓar gangar mai kimanin miliyan 50 daga Venezuela – Trump

Shugaban Amurka, Donald Trump ya ce hukumomin riƙon-ƙwarya na Venezuela za su rika ba wa Amurkar, gangar mai tsakanin miliyan 30 zuwa 50 na abin da ya kira man da aka sanya wa takunkumi.

A wani sako da ya sanya a shafinsa na sada zumunta, Trump ya ce za a riƙa sayar da man ne a farashin kasuwa – sannan kuma shi zai sarrafa kuɗin inda ya ce, kudin zai amfani al’ummar Venezuela da kuma Amurka.

Hukumomin Venezuelar dai ba su tabbatar da wannan shiri ba.

• Tinubu ya naɗa mace ta farko shugabar Makarantar Horar da Lauyoyi ta Najeriya
• Za mu baza jamai’anmu don samar wa Najeriya zaman lafiya

Tun da farko, shugabar rikon kwarya ta Venezuelar, Delcy Rodriguez, ta ce babu wani dan ƙasar waje da ke mulkin kasarta.