Tinubu Zai Jagoranci Taron Yi Wa Buhari Addu’o’i A Abuja

Shugaban Najeriya Bola Tinubu zai jagoranci taron addu’o’i na musamman ga tsohon shugaban Najeriya, Muhammadu Buhari a Abuja, babban birnin ƙasar.

Cikin wata sanarwa da ma’aikatar yaɗa labaran ƙasar ta fitar ta ce taron – wanda za a gudanar da misalin ƙarfe biyar na maraice agogon ƙasar – zai samu halartar ministocin gwamnatin ƙasar.

• Bayan Addu’ar Uku A Koma Katsina Don Ci Gaba Da Karɓar Gaisuwa – Radda

Taron zai kuma samu halartar shugabannin majalisun dokoki da wakilai daga fannin shari’ar ƙasar.

Taron addu’ar na zuwa ne bayan addu’ar uku da rasuwar tsohon shugaban da aka gudanar a Daura a gaban tawagar wakilan gwamnatin tarayya, ƙarƙashin jagorancin mataimakin shugaban ƙasar Kashim Shettima.

Haka kuma sanarwar ta ƙara da cewa za a gudanar da taron addu’o’i na musamman ranar Juma’a a babban masallacin ƙasa da ke Abuja